Publizitatea
X

Irratia zuzenean

Jordi Sanchez kartzelan mantentzea berretsi du Auzitegi Gorenak

Politika

Katalunia

Jordi Sanchez kartzelan mantentzea berretsi du Auzitegi Gorenak

Agentziak | Erredakzioa

2018/02/06

Epaileak dio Jordi Sanchezek delituak errepikatzeko arriskua dagoela, bere ideologia soberanistari uko egin ez diolako eta Junts per Catalunyaren hautagaitzan hauteskundeetan parte hartu duelako.

  • Jordi Sanchez Auzitegi Nazionalera bidean. Artxiboko argazkia: EFE

    Jordi Sanchez Auzitegi Nazionalera bidean. Artxiboko argazkia: EFE

    Jordi Sanchez Auzitegi Nazionalera bidean. Artxiboko argazkia: EFE
  • Whatsapp
  • Bidali

Pablo Llarena Auzitegi Goreneko epaileak atzera bota du Jordi Sanchezek aske uzteko egin duen eskaria eta, ondorioz, Junts per Catalunyako diputatu eta ANCko buruzagia behin-behinean espetxean mantentzeko erabakia berretsi du.

Kataluniako prozesu independentistaren ikerketan Sanchezen kontrako froga berriak agertu direla dio epaileak gaur ezagutarazi duen ebazpenean.

Llarenaren esanetan, ANC eta Omnium elkarteetako buruzagiak alderdi independentistetako ordezkariekin biltzen ziren eta "herritarren mobilizazioa independentzia lortzeko elementu estrategikotzat jotzen zuten".

Horrez gain, 2017ko urriaren 1eko erreferenduma ahalbidetzeko herritarrak mobilizatzera deitu izana leporatzen dio Sanchezi. Areago, "Estatuko segurtasun indarrek bozketa galarazi ez zezaten herritarrei jarraibideak eman zizkieten".

Gainerako auzipetuekin alderatuta, Sanchezek delituak errepikatzeko aukera handiagoa duela uste du epaileak. Eta hori esateko bi argudio erabiltzen ditu: batetik, jarduera publikoari uko egin ez izana eta Junts per Catalunya alderdieran hautagaitzan hauteskundeetara aurkeztu izana; eta bestetik, bere ideologia soberanistari uko egin ez izana.

 

Iruzkinak

Publizitatea
Publizitatea
NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena