Publizitatea
X

Irratia zuzenean

Frantziak ETAren armak eta materiala eman dizkio Espainiari 2018ko otsailean

Politika

'Memoire vivante' operazioa

Frantziak ETAri kendutako armak eta dokumentazioa eman dizkio Espainiako Gobernuari

Agentziak | erredakzioa

2018/02/09

Material guztia bi kamioitan ekarri zuten Paristik joan den astelehen eta asteartean. Rajoyren Gobernuaren ustez, "argitu gabeko hilketen inguruan datu gehiago izateko" balioko du.

1:15
  • Whatsapp
  • Bidali

Frantziako agintari judizialek, hango Gobernuarekin lankidetzan, "ETAri azken 20 urteotan kendutako armak eta agiriak" eman berri dizkio Espainiari, Barne Ministerioak ohar batean jakinarazi duenez.

Materiala bi kamioitan ekarri zuten Paristik joan den astelehenen eta asteartean, Guardia Zibilaren GAR agenteen eta Jendarmeriaren kideen zaintzapean. Ministerioaren hitzetan, Frantziak entregatu duen lehen sorta da hori.

Operazioak, 'Memoire vivante' izenekoa (memoria bizia, frantsesez), helburu bikoitza du: batetik, "judizialki argitu gabeko ETAren hilketen inguruan datu gehiago ematea", eta bestetik, "biktimen memorian" laguntzea. Izan ere, Gasteizen dagoen Terrorismoaren Biktimen Memoriala esku jarriko dute materiala.

Ministerioaren hitzetan, Mariano Rajoy eta Francois Hollande Espainiako eta Frantziako presidenteek adostu zuten esku aldaketa, duela urtebete, Malagan egindako goi-bileran.

"ETAren artxiboa"

Espainiaren esku utzitakoen artean honakoak daude: 300 arma baino gehiago (pistolak, errebolberrak, granada-jaurtigailuak...) eta armen piezak; dokumentazio ugari agiritan (40.000 orri inguru) eta euskarri informatikoan (ehunka terabyte). Informazioa Frantziako justiziak ikertutako 50 sumariotan dago bildua, eta orain Espainiaren esku utzi du Frantziak.

Espainiako Barne Ministerioaren arabera, "azken urteotako sumario garrantzitsuenak dira, Frantziako Poliziak egindako terrorismoaren kontrako operazio inportanteenetan bildutakoak".

 

Iruzkinak

Publizitatea
Publizitatea
NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena