Politika -
Autogobernua
'Adostua' eta 'bideragarria' den autogobernu-proposamen baten alde egin du Urkulluk
"Ez zaio inori eskatu behar bere ideiei uko egiteko", esan du lehendakariak, ostiral honetan.
Agentziak | Erredakzioa
Iñigo Urkullu lehendakariak 'hainbat pentsaerak eta ideologiak adostua' eta 'ikuspegi politikotik, legaletik eta juridikotik bideragarria' den autogobernu-proposamen baten alde egin du.
Horrela hitz egin du Iñigo Urkulluk ostiral honetan, Donostian, Musikene zentroan, Euskadik 2017-2020 hirurtekoan gizarte- eta osasun-arloan izango dituen lehentasunen aurkezpenean.
Lehendakariak gogorarazi du aste honetan aurkeztu dituztela alderdiek "etorkizunerako euren ikuspegiak", euskal autogobernuari dagokionez: "Ez zaio inori eskatu behar bere ideiei uko egiteko", nabarmendu du.
Testuinguru horretan, eskatu du "elkarrizketa demokratikoa egon dadila, aurreiritzirik gabekoa, akordioa lortzea xede; euskal gizarterako onuragarria den akordio bat bilatu beharko litzateke".
Autogobernu-proposamena "hainbat ideologiak adostutakoa" izan beharko litzateke, eta, horrez gain, "bideragarria, ikuspegi politikotik, legaletik eta juridikotik": "Bidea egin beharko luke erakundeetan proposamenak, euskal autogobernuaren etorkizunak merezi du eta".
