Politika -
Frantzian atzemandako armak
ETAren materiala identifikatzeko laguntza eskaini du Ertzaintzak
“Ertzaintza armamentu horren identifikazio lanetan, eskura duen informazioarekin, laguntzeko prest dago”, adierazi du Estefania Beltran de Heredia Eusko Jaurlaritzako Segurtasun sailburuak.
Agentziak | Erredakzioa
Ertzaintza Frantziako Gobernuak Espainiari entregatu berri dion ETAren materiala identifikatzeko lanetan laguntzeko prest dagoela azaldu du gaur Estefania Beltran de Heredia Eusko Jaurlaritzako Segurtasun sailburuak.
Barne Ministerioaren hitzetan, azken 20 urteetan Frantzian ETAri atzeman dizkioten agiriek, armek eta materialak judizialki oraindik argitu barik dauden krimenen ikerketa bultzatuko dute.
“Armamentu horren identifikazio lanetan eta arma horiek erabili diren erasoen inguruko ikerketan, eskura duen informazioarekin, laguntzeko prest dago Ertzaintza”, adierazi du Segurtasun sailburuak.
Bilbon emandako prentsaurrekoan, Gobernu zentralak Ertzaintzaren laguntza eskatu ote duen galdetu diote kazetariek Beltran de Herediari. “Ertzaintzaren esku-hartzerik ez dute eskatu oraingoz”, erantzun du sailburuak.
