Politika -

Polizia operazioa

Lau atxilotu Belen Gonzalez Peñalvaren omenaldian terrorismoa goratzea egotzita

Oihana Garmendia Kalera Kalerako bozeramailea, Antton Lopez preso ohia, Miren Zabaleta Sortuk Nafarroan duen koordinatzaile politikoa eta Olatz Dañobeitia dira atxilo hartutakoak.

Garmendia eta Lopez, artxiboko irudi batean. EFE
Oihana Garmendia eta Antton Lopez. EFE
Sorturen kontrako polizia operazioa

1:39

Agentziak | Erredakzioa

Whatsapp Facebook Twitter Telegram Email

Guardia Zibilak lau pertsona atxilotu ditu gaur, Belen Gonzalez Peñalva hildako ETAko kidearen omenaldian terrorismoa goratzea egotzita.

Terrorismoaren kontrako borrokan ari diren taldeek jakinarazi dutenez, honako hauek dira atxilo hartutakoak: Oihana Garmendia Kalera Kalera dinamikako eleduna, Antton Lopez Ruiz preso ohia, Miren Zabaleta Sortuk Nafarroan duen koordinatzaile politikoa eta Olatz Dañobeitia.

Garmendia Gernika-Lumon (Bizkaia) atxilotu dute. Zazpi hilabeteko haurdun dago, eta ginekologora zihoan atzeman dutenean. Antton Lopez Zarautzen hartu dute atxilo; Zabaleta, Iruñean eta Dañobeitia, Bilbon. Laurak Guardia Zibilak Donostian (Intxaurrondo auzoan) duen kuartelera eraman dituzte.

Operazioa zabalik dago, eta baliteke Guardia Zibilak atxiloketa gehiago egitea.

Omenaldia duela lau hilabete egin zuten

Ezker abertzaleak antolatuta, 2017ko azaroaren 18an egin zioten omenaldia Gonzalez Peñalvari, Lazkaon. Bertan izan ziren, besteak beste, Arnaldo Otegi EH Bilduko koordinatzaile nagusia, Pernando Barrena Sortuko kidea edota Rafa Diez Usabiaga LABeko idazkari nagusi izandakoa.

KUBATI    ZABALETA

Antton Lopez eta Miren Zabaleta, Gonzalez Peñalvaren omenaldian. EiTB

AVTk ekitaldia debekatzea eskatu zion Auzitegi Nazionalari, baina epaileak baztertu egin zuen. Gerora, Covitek salaketa aurkeztu zuten auzitegi berean. Fiskaltzak auzia artxibatzearen alde egin zuen.

Erreakzioak

Atxiloketek erreakzio soka luzea ekarri dute. Besteak beste, Sortuk, EH Bilduk eta Jaurlaritzak hitz egin dute operazioaren inguruan. Ezker abertzaleak atxiloketok salatzeko elkarretaratzeak deitu ditu Sortuk arratsalderako Euskal Herriko herri eta auzoetan, "Bakearen eta askatasunaren alde" lelopean.

Hau zure interesekoa bada, baliteke beste gai hauek ere izatea
Albisteak Gipuzkoa EAE ETA gaur Lazkao albisteak