Politika -

2018ko aurrekontu orokorrak

Csek ez ditu kontuak babestuko Euskadiri Gizarte Segurantzaren eskumena ematekotan

EAJk zein Espainiako Gobernuak ukatu egin dute eskumenik negoziatu izana, aurrekontuei babesa ematearen truke.

Ciudadanoseko burua, artxiboko irudi batean. Argazkia: EFE
Ciudadanoseko burua, artxiboko irudi batean. Argazkia: EFE

agentziak

Whatsapp Facebook Twitter Telegram Email

Jose Manuel Villegas Ciudadanoseko idazkari nagusiak ohartarazi duenez, alderdi laranjak ez ditu Estatuko 2018 Aurrekontu Orokorrak Kongresuan babestuko, EAJren babesaren truke Gobernu espainiarrak Euskadiri Gizarte Segurantzaren kudeaketa edo ETAko presoei "pribilegioak" ematekotan.

Villegasen esanetan, kontu hau ezin da "euskal nazionalistentzako trukerako txanponean bihurtu, eurek aurrekontuak babes ditzaten", eta negoziazioan ezin da "ETAko presoei pribilegioak ematea" jaso.

Bestalde, Iñigo de la Serna Sustapen ministroak ukatu egin du Aurrekontuen babesaren truke "inolako kontzesiorik" negoziatu izana, eta azpimarratu egin du aurrekontuak onartu eta gero hasiko dela Gobernua alderdi politikoekin hitz egiten.

EAJk, era berean, ziurtatu duenez, ez du babesa eskaini eskumen baten truke, besteak beste, Gobernuei dagokion eskumena delako hori ematea.

Hau zure interesekoa bada, baliteke beste gai hauek ere izatea
Diputatuen Kongresua Politika EAJ-PNV Espainiako Gobernua Ekonomia Ciudadanos Albisteak