Politika -

Dirua zuritzea leporatuta

Zaplana Madrilera eramango dute gaur miaketa gehiago egiteko

Valentziako presidente eta ministro izandakoak Guardia Zibilaren Valentziako Komandantzian eman du gaua.

Zaplana, atxilotuta, Benidormen. EFE
Eduardo Zaplana atxilotuta. EFE
Zaplana, atxilotuta, Benidormen. EFE

Agentzia | Erredakzioa

Whatsapp Facebook Twitter Telegram Email

Guardia Zibilaren Unitate Zentral Operatiboko agenteek (UCO, gaztelerazko sigletan) Madrilera eramango dute gaur Eduardo Zaplana Valentziako presidente eta Aznarren garaian ministro izandakoa, miaketa gehiago egiteko.

Ikerketaren iturriek jakinarazi dutenez, ministro ohiak Espainiako hiriburuan duen beste etxe bat eta bulego bat miatu behar dituzte; ondoren, epailearen esku utziko dute.

Asteartean atxilotu zuten PPko buruzagi ohia, Valentzian, dirua zuritzea eta zerga iruzurra egotzita. Atzo Valentziako eta Benidormeko etxeak miatu zituen Guardia Zibilak.

Gaua Guardia Zibilak Valentzian duen Komandantzian eman du Zaplanak.

Zaplana Valentziako Generalitatearen buru zen garaian esleipenengatik ustez jasotako legez kanpoko komisioak —10 milioi euro inguru— ikertzen ari dira Ustelkeriaren kontrako Fiskaltza eta Guardia Zibila. Dirutza atzerrian gorde omen zuen buruzagi popularrak, eta diru beltz hori Espainiara sartzen ahalegintzen ari zenean atxilotu dute.

 

Hau zure interesekoa bada, baliteke beste gai hauek ere izatea
Politika PP Delituak Espainia Ustezko ustelkeria politikoa Eguneko albisteak Albisteak Madril