Teknologia -
I-25
Hauteskunde Termometroa garatu dute, kanpainaren eragina neurtzeko
Tresna teknologikoak alderdi eta hautagaiekiko "atxikimendua eta arbuio-maila" grafikoki erakusten dio erabiltzaileari.
eitb.eus
Elhuyarrek Hauteskunde Termometroa garatu eta aurkeztu du, alderdi politikoek eta lehendakarigaiek sare sozialetan eta prentsa digitalean duten oihartzuna erakusteko.
Ohar baten bidez Elhuyarrek azaldu duenez, termometroak haiekiko "atxikimendua eta arbuio-maila" grafikoki erakusten ditu, zenbait rankingetan eta denboraren araberako grafiko batean.
Termometro horrek Elhuyarren Talaia teknologia du atzean. Sistemak euskaraz, gaztelaniaz, ingelesez nahiz frantsesez idazten diren aipamen eta iritziak detektatzen ditu, eta "malgutasun handia eskaintzen du bezeroaren beharretara egokitzeko".
Hauteskunde Termometroaren euskarazko bertsioa Berria egunkariaren webgunean dago ikusgai. Bertsio elebiduna, berriz, talaia.elhuyar.eus/i25/ helbidean aurkituko duzue.