Teknologia -

Eguneraketa

Mezuetan iragarkiak nola txertatu aztertzen ari da WhatsApp

Erabiltzaileen telefono zenbakiak enpresa pribatuei saldu nahi dizkiete, errentagarritasun ekonomikoa lortzeko.

Eitb.eus

Whatsapp Facebook Twitter Telegram Email

Erabiltzaileen mezuetan iragarkiak txertatzeko modua aztertzen ari da WhatsApp, nazioartean erabiltzaile gehien dituen berehalako mezularitza aplikazioak. Errentagarritasun ekonomikoa lortzea izango litzateke eguneraketa horren helburu nagusia.

Reuters agentziak jakitera eman duenez, konpainia horren txostena irakurtzeko aukera izan du. Konpainia horren jabeek enpresa pribatuei saldu nahi dizkiete erabiltzaileen telefono zenbakiak. Antza denez, erabiltzaile bakoitzari iragarki jakin bat bidaliko liokete.

Gauzak horrela, WhatsAppek pertsona bakoitzaren interesak hartuko lituzke kontuan iragarkiak bidaltzeko orduan, eta kritika ugari sortu lezaketen iragarki masiboak alde batera utziko lituzkete. Hala ere, iragarkiak txertatzeak ondorio latzak ekar litzake, erabiltzaile askok aplikazioa desinstalatuko dutela ohartarazi baitute.

Dena dela, erabaki bat hartu aurretik WhatsAppek kontuan hartu nahi ditu erabiltzaileen iritziak, iragarkirik txertatzen ez duten beste aukera batzuk baitaude (Telegram, besteak beste).

Hau zure interesekoa bada, baliteke beste gai hauek ere izatea
Teknologia WhatsApp Sare sozialak albisteak Gaurko azken ordukoa