Teknologia -

Berrikuntza

Elon Musken proiektu berria: burmuina ordenagailura konektatzea

Enpresaburuak Neuralink konpainia sortu du, giza burmuinetan adimen artifiziala ezartzea helburu.

Elon Musk enpresaburua. Argazkia: @elonmusk
Elon Musk enpresaburua. Argazkia: @elonmusk
Elon Musk enpresaburua. Argazkia: @elonmusk

AGENTZIAK | ERREDAKZIOA

Whatsapp Facebook Twitter Telegram Email

Elon Musk enpresaburuak Neuralink konpainia sortu du, burmuina ordenagailura konektatzeko moduak bilatzeko, The Wall Street Journal egunkariak jakinarazi duenez. Hain zuzen ere, giza burmuinetan adimen artifiziala ezartzea du helburu enpresak.

Besteak beste, Tesla, Hyperloop eta SpaceX konpainia berritzaileen sortzailea da Musk, eta orain gizakien burmuinetan sartu nahi du teknologia, organo horren funtzionalitatea eta iraunkortasuna hobetzeko.

Enpresa berriaren lehen ikerketetan burmuineko gaixotasun larriei eta depresio larriei aurre egiteko moduak aztertuko dituzte.

Burmuina ‘digitalizatzeko’ prozesu horretan, Muskek lehiakideak izango ditu, Brian Johnson enpresaburuak Kernek konpainia sortu baitzuen iaz, Neuralinkek dituen helburu berberak oinarri hartuta. 100 milioi dolarreko inbertsioa egin zuen orduan.

Hau zure interesekoa bada, baliteke beste gai hauek ere izatea
Zientzia albisteak Zientziaren hedapena zuzenean Inteligentzia artifiziala albisteak gaur