Teknologia -

Euskelec

LHko 140 ikasle baino gehiago, ibilgailu elektrikoak egiteko txapelketa batean

Ikasleek ibilgailu elektriko bat eraiki beharko dute ekaina eta uztaila bitartean..

Euskelec lehiaketaren kartela, ibilgailu elektrikoen txapelketa. Argazkia: Muisu Fundazioa.
Euskelec lehiaketaren kartela, ibilgailu elektrikoen txapelketa. Argazkia: Muisu Fundazioa.
Euskelec lehiaketaren kartela, ibilgailu elektrikoen txapelketa. Argazkia: Muisu Fundazioa.

agentziak | erredakzioa

Whatsapp Facebook Twitter Telegram Email

Euskadiko hamaika lanbide heziketa zentrotako 140 ikasle baino gehiago arituko dira ekaina eta uztaila bitartean Ibilgailu Elektrikoen Euskadiko I. Txapelketan, goi mailako zikloak ematen dituzten zentroak biltzen dituen Euskelec izeneko txapelketa teknologikoan. MUISU Mugikortasun Iraunkorra Sustatzeko Fundazio Teknologikoak antolatu du lehiaketa, Tknika Lanbide Heziketarako Berrikuntza Zentroarekin eta Euskadiko Automobilismo Federazioarekin batera, besteak beste.

Ikasleek ibilgailu elektrikoa eraiki beharko dute ikasleek bere ezaugarri propioekin, eta lehiaketak bi fase izango ditu. Lehenengoan, teknikan eta sorkuntzan oinarritukoan, proiektuak diseinatu beharko dituzte. Bigarrenean, berriz, horien ebaluazioa egingo dute; diseinuak eta ezaugarriak baloratuko dituzte, azeleratzeko eta frenatzeko gaitasuna, tartean.

Bizitza estilo jasangarria sustatu nahi du Euskelec lehiaketak, eta gainera, auto elektrikoetan adituak diren teknikariak erakartzea eta bultzatzea du helburu plataforma propioa eraikiz. Halaber, autoak ekoizteko teknika berriak probatzea ere dute helburu.

Hau zure interesekoa bada, baliteke beste gai hauek ere izatea
Teknologia Euskal Autonomia Erkidegoa Albisteak Zientzia albisteak Hezkuntza sistemako albisteak Elektrizitatea albisteak LH albisteak