Teknologia -
Urte amaieran
2011n iOS eta Androiderako 25.000 milioi aplikazio jaitsiko dituzte
Abenduan bakarrik, bi plataformetarako 5.000 milioi aplikazio jaistea aurreikusi dute.
Erredakzioa
Urtea amaitzen ari dela eta, analistak euren kalkulu globalak ateratzen hasi dira. Flurry analisi enpresaren arabera, 2011 urtea amaitzean, 25.000 milioi aplikazio deskargatuko dira iOSentzat eta Androidentzat.
2010ean jaitsitako kopuruarekin (6.000 milioi) alderatuta, % 300 egin du gora. Flurryren ustez, hori ez da harritzekoa, sistema horiek erabiltzen dituzten zenbat gailu saldu diren ikusita. Gainera, orain, horien prezioak jaitsi ostean, merkatua askoz ere handiagoa dela gaineratu du.
25.000 milioi deskarga horietatik 5.000 milioi abenduan izatea aurreikusi dute Flurrytik, Gabonetan (oporrak direla eta) aisiarako denbora gehiago izaten delako eta telefono berrien salmenta-kopurua asko hazten delako.