Teknologia -
Ez da eskuragai egongo
Uda honetan Flash Player eta Android bananduko dira
Plug-in ezaguna abuztuaren 15ean desagerraraziko dute Play Storetik eta Android 4.1 berriak ez ditu Flash-a instalatzeko egiaztapenak eskainiko.
Erredakzioa
Flash Player, Adobe ekoizle ezagunaren plug-in (aplikazio bat, beste batekin lotzen dena funtzio berri bat izateko) ospetsua, ez dute Android gailuentzat abuztuaren 15etik aurrera gehiagorik eskainiko.
Play Storek, Google-en produktuak erosteko denda birtualak, aipatutako plug-ina eskaintzeari utziko dio eta, horrez gain, litekeena da gailuek aurreikusi ezinezko portaera izatea, egun horretatik aurrera eguneratzen saiatuz gero.
Gailu batek Flash izan dezan, beharrezkoa da egiaztatze-prozesu jakin batzuk izatea, ekoizle bakoitzarekin. Android 4.1 sistemak, esaterako, ez ditu egiaztatze horiek eskainiko eta Nexus 7 gailua, besteak beste, aplikazio hori gabe merkatuko dute.