Abisu horia ezarri dute biharko Euskadin muturreko tenperaturengatik

Eusko Jaurlaritzako Larrialdi eta Meteorologia Zuzendaritzak abisu horia ezarri du biharko Euskadin tenperatura altuak izango direlakoan. Litekeena da 35º-tik gorako tenperaturak izatea.

Ohar baten bidez jakinarazi duenez, muturreko tenperaturak 13:00 eta 20:00 artean izango dira. Kantauri isurialdeko barnealdean 35º-ren bueltan ibiliko dira, eta Ebroko zonaldean, berriz, 36º. Kostaldean, ordea, tenperatura maximoak 30º-takoak gehienez jota izango dira.

Hiriburuei dagokienez, Donostian 31º inguru espero dira; 35º inguru Gasteizen; eta 33º inguru Bilbon.