gadgetak
WhatsAppeko hamar trikimailu ezezagun
ERREDAKZIOA | EITB.EUS
WhatsApp aplikazioak oso gutxitan erabiltzen diren baina oso erabilgarriak izan daitezkeen zenbait funtzio ditu.
Testuaren formatua aukeratu
Testuak formatu ezberdinak izan ditzake. Hitza edota esaldia izartxoekin ireki eta ixten badugu, letra lodiarekin idatziko dugu. Gidoi baxuekin gauza bera eginez gero, etzanda idazteko aukera izango dugu.
Elkarrizketak mezu bidez bidali
Elkarrizketa bat gorde edo bidali nahi badugu, posta elektronikoa erabiliz parteka dezakegu. Horretarako, WhatsAppeko aukeren artean “mezua bidali” aukera hautatu behar dugu, eta testua .txt formatuan bidaliko da.
Talde batek hainbat administratzaile izan ditzake
Hasiera bateko administratzaileak eginkizun horretan jar ditzake taldeko beste zenbait pertsona. Gainera, posible da mezu bakoitza nork irakurri duen jakitea, “informazioa” botoia zanpatuta.
Gifak bidali
Mezuak gif formatuan erantzun ditzakegu. Horretarako, GIF botoiari eman eta nahi dugun irudi animatua aukeratuko dugu.
Audioak pribatutasunez entzun
Telefono mugikorra belarrira gerturatuz gero, norberak bakarrik entzungo ditu audioak, konfidentzialtasuna gordetze aldera.
Mezu bat faborito bezala gorde
Mezu garrantzitsuak gordetzeko modu bat izan daiteke. Hala, azkarrago eta seguruago jo ahal izango dugu mezu jakin batera. Hori lortzeko, testua aukeratu eta izarraren ikurrari eman beharko diogu.
Mezu jakin bati erantzun
Talde elkarrizketa batean, adibidez, posible da testuaren parte jakin bati soilik erantzutea. Nahi dugun zati hori aukeratu eta “erantzun” botoiari eman behar diogu.
Elkarrizketa baten barruan bilaketak egin
Luparen ikurra aukeratuta, nahi dugun hitzak edo testuak bila ditzakegu.
Emotikonoen tamaina aukeratu
Bidaltzen dugun emotikono kopuruaren arabera, aldatu egingo da berorien tamaina.
