Taldeetan bideodeiak egiteko aukera emango du WhatsAppek

Facebookek hainbat aldaketa iragarri ditu 2014az geroztik berea den WhatsApp berehalako mezularitza zerbitzuan. Hala, berritasunen artean daude Linek edota Facebook Messengerrek erabiltzen dituzten stickerrak gehitzea. Mibarik Imam WhatsAppeko zuzendariak eman du horren berri Facebookeko garatzaileen urteroko hitzaldian.

Oraindik ez dute aldaketen gaineko xehetasunik eman, baina aurreratu dute aldi berean gehienez lau erabiltzailek egin ahal izango dutela berba bideodeien bidez.

Bestalde, azpimarratu dute egunero 2.000 milioi minutuko bideodeiak eta ahots bidezkoak egiten direla WhatsApp zerbitzuarekin. Guztira, 450 milioi lagunek erabiltzen dute aipatu aplikazioa.

Stickerrei dagokienez, badirudi Facebook Messengerren bide bera hartuko duela. Gainera, sticker bildumak sortzeko aukera eskainiko du.