Badatoz Tolosako inauteriak!

Inauteriak ospatuko dituzte Tolosan otsailaren 23tik 28ra, eta Gaztea jai hauen leiho izango da. Jai giroan dabiltzan herritarrek beraien bizipenak argitaratuko dituzte sare sozialetan #tolosakoiñauteriak etiketa erabiliz.

Inauteriak, esan bezala, ostegunean hasiko dira, eta, 11:15etik aurrera, zuzenean emango dugu Tolosan gertatzen denaren berri. Txupinazoa izango da goizeko hitzordu nagusia. Hala ere, tarteka, zuzeneko konexioak ere emango ditugu igandean eta astelehenean.

Txupinazoa streaming bidez eskainiko dugu Gaztean, eta horrez gain, egunotan jendeak partekatutako irudiak zabalduko ditugu horretarako prestatu dugun webgune berezian.

Ondo pasa inauterietan!