Maketa Lehiaketa: nola igo behar dira abestiak?

Dagoeneko abian da Gaztearen Maketa Lehiaketaren 26. edizioa. Goizetik zabaldu dugu kantuak bidaltzeko epea, eta aurten prozedura nolabait aldatu dugunez, jarraibideen berri jasoko duzue hementxe:

1. Hasteko, Maketa Lehiaketa dela eta, Gaztean estreinatu dugun webgune berezian dagoen formularioa bete beharko dute parte-hartzaileek. Han, zenbait datu sartu beharko dituzte; tartean, posta elektronikoa.

-Behin formularioa beteta, posta elektroniko bidez mezua jasoko dute. Hirugarren urratsera joateko, beharrezkoa da mezu hori baieztatzea.

-Mezua baieztatu ostean, hirugarren pausua abestia/k igotzea izango da. Talde edo bakarlari bakoitzak hiru abesti igoko ditu, baina ez du zertan kantu denak aldi berean igo behar; alegia, posible da banaka igotzea, martxoaren 9ra arte. Hori bai, parte-hartzaile guztiek hiru abesti igo beharko dituzte, ez gehiago, baina ezta gutxiago ere.

Hiru urrats horiek ematea nahikoa da Gaztearen Maketa Lehiaketaren 26. edizioan parte hartzeko.

*Edozein arazo izatekotan, gazteaweb@eitb.eus webgunera mezu bat bidalita argituko ditugu erabiltzaileen zalantzak.