Albisteak
Urduñan, Aste Santuan
Gatibu, Gose, Ze Esatek! eta Itziarren Semeak, Gazte Danbada jaialdian
L.Z.
Martxoaren 28tik apirilaren 1era bitartean egingo den jaialdi honetan, kontzertuak, solasaldiak eta tailerrak egongo dira. Sarrerak, otsailaren 5ean jarriko dituzte salgai.
Martxoaren 28tik apirilaren 1era, hainbat ekitaldi egingo dira Urduñan. Gazte Danbadak antolatuta, kontzertuak ez ezik, solasaldiak, tailerrak eta ikuskizunak ere izango dira, ostegunetik igandera bitartean.
Musikari dagokionez, hainbat euskal talde arituko dira bertan. Oraindik kontzertuen datak zehazteke dauden arren, dagoeneko iragarri dituzte Urduñan joko duten taldeen izenak.
Euskal musika talde garrantzitsuek osatuko dute kartela. Besteak beste, Gose, Gatibu, Itziarren Semeak, Matxura, Arkada Social, On, Leihotikan, Ze Esatek!, Anai Arrebak eta Iheskide egongo dira.
Sarrerak
Bonu bereziak otsailaren 5etik aurrera egongo dira salgai, 40 eurotan. Bonu hauek, kontzertuen gunera sartu, dutxatu eta kanpalekuan lo egiteko aukera ematen dute.
Martxoaren 4tik aurrera, 45 eurotan egongo dira eskuragarri bonuak.
Kontzertua eskainiko duten talde guztien zerrenda
Dodo Sound
Sen
2Zio
Las Tea Party disko jartzaileak
Txoriak Negutegian
Leihotikan
Anai Arrebak
Dj Okerreko
Nebula Selektah
Gose
Solte
On
Matxura
Arkada Social
Borja & Ibon disko jartzaileak
Hotzikara
Gatibu
Itziarren Semeak
121 Krew
Patrol Destroyers
Ze Esatek
Iheskide
Informazio gehiago hemen.
