Albisteak
Kontzertuak
Esne Beltzak 'Gorago Tour' biraren lehen datak iragarri ditu
L.Z. | eitb.eus
Euskal Herrian lau emanaldi eskaini ostean, maiatzean Japoniara abiatuko dira "Gorago Japan Tour" birari ekiteko.
Ondarroan hasiko du Esne Beltzak "Gorago Tour" kontzertu-bira, apirilaren 24an. Egun bat geroago Hazparneko gaztetxean arituko da Xabi Solanoren taldea.
Apirilaren 30ean, berriz, Viñarock jaialdiko gonbidatuetako bat izango da, eta maiatzaren 9an Hernanin egongo dira taldekideak, Zea Mays taldearekin batera.
Behin lau kontzertu horiek emanda, Japonia aldera abiatuko dira "Gorago Japan Tour" birari hasiera emateko. Guztira sei zuzeneko eskainiko dituzte han, maiatzaren 21etik 26ra arte.
>