Albisteak
Errege Kopako finala
Danko Jones, Zea Mays, Gatibu eta Doctor Deseo, Athletic Hirian
LUZIA ZUGADI | EITB.EUS
The Bond Scott Band eta disko-jartzaileak ere izango dira Bartzelonan ostiralean eta larunbatean.
Athletic Cluben eta Bartzelonaren arteko Errege Kopako finalean musikak leku garrantzitsua izango du. Camp Nou futbol-zelaian larunbatean jokatuko da norgehiagoka, baina handik gertu ere festa-giroa nagusituko da.
Athletic Hiria 20.000 metro karratuko eremuan kokatuko da, Espanya plazako metroko geltokitik gertu.
Sarrera doakoa izango da, maiatzaren 29ko arratsaldetik eta maiatzaren 30eko goizetik aurrera.
Danko Jones kanadarrak, Gatibu, The Bon Scott Band, Zea Mays eta Doctor Deseo taldeak dira, hain zuzen, Athletic Hiria musikaz jantziko duten taldeak.
Egitaraua
Maiatzak 29, ostirala
17:00: Irekiera
19:30: The Bon Scott Band
20:30: Gatibu
22:00: Danko Jones
23:30: Disko-jartzaileak
Maiatzak 30, larunbata
10:30: Irekiera
11:00: Bideo-emanaldiak
14:00: Zea Mays
15:00: Bideo-emanaldiak
18:00: Doctor Deseo
19:00: Kalejira eta disko-jartzaileak
21:00: Errege Kopako bideoak eta finalaren emankizuna
00:00: Festa