Albisteak
Uztailaren 28tik 30era
Mundaka Festival jaialdiaren egitaraua, egunez egun
LUZIA ZUGADI | EITB.EUS
Nik West, Danko Jones eta The Waterboys dira egun bakoitzeko kartelburuak, Mundaka Festival jaialdiaren bigarren edizioan.
-
Mundaka Festival
Mundaka Festival jaialdiak ofizialki aurkeztu du festibalaren bigarren edizioa, Eneko Atxaren Azurmendi jatetxean. Bertan, egitarauaren egunez eguneko banaketa iragarri zuten, atzo, antolatzaileek.
Hala, Nik West, Danko Jones eta The Waterboys izango dira egun bakoitzeko kartelburuak. Horiek ez ezik, besteak beste, The Sheepdogs, Sunset Sons, Berri Txarrak, Capsula Dreaming of Ziggy Stardust eta St Paul & The Broken Bones arituko dira uztailaren 28tik 30era Bizkaiko aipatu udalerrian.
Esan bezala, 2015ean egin zuen debuta Mundaka Festivalek, eta hasieratik musikaren eta gastronomiaren aldeko apustua egin izan du. Horri esker, jaialdi berri onenaren eta tamaina ertaineko jaialdi onenaren golardoak eskuratu zituen Iberian Awards sarietan.
Nobedade gisa, bigarren ediziorako, FAGORren laguntzarekin, #LiveFAGOR lehiaketa antolatu dute Euskadiko talde berriei zuzenduta. Irabazleak iraupen laburreko disko bat grabatuko du, eta Mundaka Festival jaialditik kanpo antolatutako ekitaldiren batean aritzeko aukera izango du.
Egitaraua
Uztailak 28, osteguna
Nik West
The Sheepdogs
Sunset Sons
Indigos
Mocker’s
Zarata Dj
Uztailak 29, ostirala
Danko Jones
Berri Txarrak
Capsula Dreaming of Ziggy Stardust
Aurora & The Betrayers
The Inspector Cluzo
Kometa
Dark Dj
Uztailak 30, larunbata
The Waterboys
St Paul & The Broken Bones
Los Enemigos
Mamba Beat
Highlights
Dj Goo