Albisteak

Abuztuaren 20tik aurrera

Rock doinuz jantziko da Kafe Antzokia Bilboko Aste Nagusian

LUZIA ZUGADI | EITB.EUS

Burning madrildarrak eta Crazy Cavan 'n' the Rhythm Rockers galestarrak izango dira protagonista abuztuaren 26an eta 27an, hurrenez hurren.

Hilabete pasatxo geratzen da Bilboko Aste Nagusiari hasiera emateko. Abuztuaren 20tik 28ra, kontzertu garrantzitsuak hartuko ditu Bizkaiko hiriburuak: Ken Zazpi, Izal, Carlos Baute, Mago de Oz…

Baina Udalak antolatutako zuzenekoak ez ezik, beste zenbait emanaldi ere egongo dira Bilbon Aste Nagusian; Kafe Antzokikoak, kasu.

Hala, azken orduan aipatu areto ezagunak jakitera eman duenez, Burning madrildarrak eta Crazy Cavan 'n' the Rhythm Rockers galestarrak igoko dira agertokira abuztuaren 26an eta 27an, hurrenez hurren. Horiez gain, Highlights Rock & friends eta The Riff Truckers eta Yellow Big Machine eta Dekot taldeek zapalduko dute oholtza abuztuaren 20an eta 25ean.

Egitaraua, ordutegiak eta sarrerak

Abuztuak 20

Highlights Rock & friends + The Riff Truckers, 23:00etan

Sarrerak: 5 euro, aurresalmentan; 8 euro, txarteldegian.

Abuztuak 25

Yellow Big Machine + Dekot, 23:00etan

Sarrerak: 5 euro, aurresalmentan; 8 euro, txarteldegian.

Abuztuak 26

Burning + Reverendos, 23:00etan

Sarrerak: 18 euro, aurresalmentan; 22 euro, txarteldegian.

Abuztuak 27

Crazy Cavan ‘n’n Thythm Rockers + Charlie Hightone & The Rock It’s, 23:00etan

Sarrerak: 20 euro, aurresalmentan; 24 euro, txarteldegian.

txarteldegian.