Bartzelonako egonaldiaren lekuko da Fermin Muguruzaren disko berria

musika

'Black is Beltza ASM sessions'

Bartzelonako egonaldiaren lekuko da Fermin Muguruzaren disko berria

N.V. | L.Z. / EITB.EUS

2016/10/18

Dub musika oinarri duen lanean Chalart 58 ekoizle katalanak hartu du parte, musikari irundarrarekin batera. Diskoa azaroaren 25ean jarriko dute salgai.

  • Partekatu
  • Bidali

Iruzkinak

Irun, Jamaika, Palestina, New Orleans eta, orain, Bartzelona. Kataluniako hiriburua da, hain zuzen, Fermin Muguruzaren lurrikara berriaren epizentroa. Hala, kantari irundarrak iragarri du, Gerard Casajusekin (Chalart 58) batera sortutako disko berrian, 2016ko udan Bartzelonan bizitako pasarte artistikoak jaso dituela.

Muguruzak eta Chalart 58 bateria-jotzaileak grabatu eta nahasi dute lan berria, dub musikaren oinarriekin esperimentatuz eta hainbat gonbidaturen parte-hartzearekin. Besteak beste, hauek dira diskoan parte hartu duten musikariak: Joan Garriga (La Troba Kung-Fu), Amparo Sanchez, Yacine Belahcene, Madjid Fahem (Manu Chaoren gitarra-jotzailea), Sr. Wilson, Ander (Green Valley), Willy Fuego eta BOCAdeBABA rap-abeslariak. Gainera, New Orleans hiriko zenbait musikariren laguntza izan dute; Jonathan Freilichena, Paul Thibodeauxena, Ashlin Parkerrena eta Chrishira Perrierrena, kasu. Aipatzekoa da, halaber, La Basu eta Aneguria izan dituztela lagun proiektu berrian.

Bukatzeko, Victor Navarreteren (Ferminen ohiko baxu-jotzailea), Tex & Sun Flower Seed talde japoniarraren eta Skarra Mucci musikari jamaikarraren kolaborazioa izan dute.

Esan bezala, Bartzelonan bertan grabatu dute diskoa, non Ferminek En directe sense censura zuzeneko lana grabatuko duen, Kontrabanda proiektuarekin batera. Disko horrek azaroaren 25ean ikusiko du argia, Talka Recordsen eta Kasba Musicen eskutik.

Iruzkinak

Publizitatea

Irratia zuzenean

Publizitatea
Gaztea App Deskargatu App berria! Gaztea App
Bilbao BBK… Kobeta mendian uztailaren 6tik 8ra jazotako guztia… Bilbao BBK…
Publizitatea
Publizitatea

Bisitatuena

    Kargatzen ikusiena
        Kargatzen ikusiena