Albisteak
Larunbatean, Durangon
Willis Drummond, Las Tea Party eta Skakeitan, 40 Minutu Rock jaialdian
EITB.EUS
Huntza, Kaotiko, Arkada Social eta beste hainbat euskal talde arituko dira, larunbatean, Landako Gunean.
-
40 Minutu Rock jaialdia
40 Minutu Rock jaialdia ospatuko da larunbat honetan, otsailak 18, Durangon. 12 talde txandakatuko dira Landako Guneko oholtza ezberdinetan 40 minutuko kontzertuak emateko.
10:30ean irekiko dituzte ateak, eta ordu horretan hasiko dira emanaldiak. Egun osoko festa izango da. Gainera, kontzertu horiez gain, disko-jartzaileek eskainiko dituzten musika-saioek hartuko dute lekua. Hain zuzen, Jotatxo, Elepunto eta Alus arduratuko dira eguna girotzeaz.
Hona hemen egun osoko kontzertuen ordutegiak:
10:45: Ze Esatek!
12:05: KOP
13:20 Kaotiko
14:35 Kaos Urbano
15:50: Huntza
16:55 Willis Drummond
18:10 Enkore
19.25: Bultz!
20:35: Arkada Social
21:50: Anestesia
23:05: Skakeitan
00:20: Las Tea Party
Sarrerak 15 euroan daude eskuragarri hainbat puntutan, eta 18 euroko prezioa izango dute txarteldegian.
