Katy Perry eta 'Chained To The Rhythm', 'Top Gaztea'ren lehen tokian

eitb.eus

Ed Sheeran-ek lehen postua galdu du bost asteren ostean, eta bigarren da orain, 'Shape Of You' kantarekin. Huntza taldeak, 'Inundik Inoare' arrakastarekin, hirugarrenen tokia mantendu du beste behin.

Orria entzun Orria entzun

Whatsapp
Whatsapp
telegram
twitt
Bidali
Esteka kopiatu

Bideoak (1)

Katy Perry ft. Skip Marley: ''Chained To The Rhythm''

Informazio gehiago (1)

'Top Gaztea'ko zerrenda

Katy Perryk eskuratu du aste honetan 'Top Gaztea'ren urrezko domina, 'Chained To The Rhythm' kantarekin. Ed Sheeran eta 'Shape Of You', bost asteko erregetzaren ostean, bigarren dira asteon, eta hirugarrenean, Huntza taldea dago berriro ere, 'Inundik Inoare' arrakastak bultzatuta.

Luis Fonsik eta Daddy Yankeek laugarren tokia mantendu dute, 'Despacito'ren laguntzaz, eta, Kygo ft. Selena Gomez, 'It Ain´t Me' kantarekin, bosgarren dira asteon.

The Weeknd ft. Daft Punk, 'I feel it coming' arrakasta eskutik hartuta, seigarreneraino jaitsi dira. Atzetik dituzte, zazpigarrenean aste honetan ere, Skakeitan eta Manu Chao, 'Lerro hutsen artean' abestiarekin; postua mantendu dute, beraz.

Vendettak indartsu jarraitzen du gure zerrendan, eta 'Pao, Pao, Pao' lana zortzigarren kokatu da. Asteko sorpresa 'Something Just Like This' abestiak eman du, The Chainsmokers-en Coldplay-ren eskutik. Zerrendagai izatetik, bederatzigarren tokira iritsi dira.

Azkenik, 'Tuesday' kantarekin, Burak Yeter artista hamargarren da aste honetan.

Ondorengo artistak eta abestiak daude atzeragoko postuetan:

11. Jax Jones ft. Raye: 'You Don´t Know Me'

12. Starley: 'Call on Me (Ryan Riback Remix)'

13. Zayn ft. Taylor Swift: 'I Don't Wanna Live Forever'

14. Rihanna: 'Love on the Brain'

15. Gatibu: 'Nire Ondoan Bazina'

16. Ofenbach: 'Be Mine'

17. Enrique Iglesias: 'Súbeme la radio'

18. Kaleo: 'Way Down We Go'

19. Zea Mays: 'Amiltzen Ez Den Bat'

20. Sia - 'Move Your Body'