Albisteak
Udako bira
Esne Beltzak udako kontzertuen datak iragarri ditu
LUZIA ZUGADI | EITB.EUS
Besteak beste, Tolosa, Arrasate, Zornotza, Deba eta Lekeitio bisitatuko ditu Esne Beltzak uda honetan.
-
Argazkia. Gaizka Peñafiel
Oraindik agenda erabat itxi ez badu ere, Esne Beltza taldeak iragarri du dagoeneko nondik ibiliko den udan, eta badirudi Euskal Herrian izango dugula aukera Xabi Solano eta taldekideen musikaz gozatzeko.
Ekainaren 23an, adibidez, Arizkunen dute hitzordua; 24an, Tolosan, eta 25ean, Arrasaten.
Uztailerako ere hainbat data itxi dituzte. Hilaren 15ean, adibidez, Zornotzako festetako agertokira igoko dira, eta 27an, Hatortxu Rock jaialdiaren 20. urteurrenean arituko dira.
Abuztuan, berriz, Aia harrapatuko dute lehenik, hilaren 5ean. Gerora, Deba, Galiziako Revenidas jaialdia, Ekora, Bilbo, Bioritme festibala eta Barraques dituzte jomugan.
Bukatzeko, irailean Lekeition izango dira lehenik, eta Laukizen hilabete amaieran.
KONTZERTUAK
Ekainak 23, Arizkun
Ekainak 24, Tolosa
Ekainak 25, Arrasate
Uztailak 15, Zornotza
Uztailak 27, Hatortxu Rock (Lakuntza)
Abuztuak 5, Aia
Abuztuak 15, Deba
Abuztuak 18, Revenidas jaialdia (Galizia)
Abuztuak 19, Ekora
Abuztuak 24, Bilbo
Abuztuak 26, Biortime festibala (Katalunia)
Abuztuak 27 Barraques (Valentzia)
Irailak 2, Lekeitio
Irailak 30, Laukiz