Bill Callahan, BNQT eta Ride, Bime Live jaialdian

Urriaren 27an eta 28an Barakaldoko BEC! erakustazokan egingo duten Bime Live jaialdiak hiru talderen izenak gehitu dizkio edizio honetako kartelari: Bill Callahan, BNQT eta Ride. Gainera, Gaua guneko egitarau osoa aurkeztu du.

Bill Callahan erregea da rock alternatiboaren munduan. Urteen joan-etorrian, Neil Hagerty (Royal Trux), Jim O'Rourke eta Joanna Newsom musikariekin aritu da elkarlanean Callahan.

BNQT, berriz, Midlake eta Band of Horses taldeetako musikariek, Alex Kapranosek (Franz Ferdinand), Fran Healyk (Travis) eta Jason Lytlek (Grandaddy) osatzen dute.

Bestalde, Ride laukote britainiarrak bi disko argitaratuta nahikoa izan zuen 90eko hamarkadako shoegaze estiloaren erreferente bilakatzeko.

Gaua guneko egitaraua

Jaialdian goizaldera arte egon nahi dutenek Gaua gunean aurkituko dute euren txokoa. Hain zuzen ere, disko-jartzaileen topaleku izango da Gaua, Bime Live jaialdiaren baitan. Besteak beste, Jackmaster, Mano Le Tough eta El_Txef_A arituko dira han.

Egitaraua

THE PRODIGY
BILL CALLAHAN
BNQT feat members of Midlake, Alex Kapranos (Franz Ferdinand), Fran Healy (Travis) & Jason Lytle (Grandaddy)
EINSTÜRZENDE NEUBAUTEN
KIASMOS live
RIDE
VITALIC ‘ODC live’
ANARI
EXQUIRLA
MARK EITZEL
TOPS
...

Gaua:

JACKMASTER
MANO LE TOUGH
JOY ORBISON
LEON VYNEHALL
WILLOW
EL_TXEF_A

Sarrerak

Bi eguneko txartel berezia 52 euroan egongo da eskuragarri, irailaren 6ra arte (egun hori barne). Sarrerak Bimeren webgune ofizialean eros daitezke.