Albisteak
Kontzertuen egitaraua
Huntzak Lurgorri auzoa girotuko du, Gernikako festen atarian
LUZIA ZUGADI | EITB.EUS
Ekon, Amparanoia, Tximeleta, Oxabi, Bullets of Misery, Oihan Vega eta Skakeitan ere egongo dira Gernikan, abuztuaren 11tik 18ra.
-
Huntza. Argazkia: Gaizka Peñafiel
Urtero musika talde ezagunak aritzen dira Gernikako jaietan, eta aurten ere primerako egitaraua aurkeztu dute antolatzaileek.
Ohi bezala, Lurgorri auzoko festekin abiatuko dute musika-zikloa. Hala, Tooth, Huntza eta Tximeleta izango dira protagonista han, ostiral honetan. Egun bat geroago, Bullets of Misery eta Tremenda Jauria arituko dira, eta, abuztuaren 14an, Belatz, Oxabi eta Los 5 bilbainos igoko dira oholtzara.
Abuztuaren 15ean, askotariko musika estiloak nagusituko dira agertokian, Qlausula Sueloren, Ekonen eta Oihan Vegaren eskutik, eta Amparanoiaren, DZ disko-jartzailearen eta Txamukos mariatxien txanda izango da hilaren 16an.
Jaietako azken-aurreko egunean, berriz, Sealed Room, Skakeitan eta Urrats gonbidatuko dituzte.
Amaitzeko, Kherau taldeak itxiko du egitaraua, abuztuaren 18an.
EGITARAUA:
ABUZTUAK 11: Tooth, Huntza eta Tximeleta (Lurgorri auzoan)
ABUZTUAK 12: BULLETS OF MISERY, TREMENDA JAURIA
ABUZTUAK 14: BELATZ, OXABI, LOS 5 BILBAINOS
ABUZTUAK 15: QLAUSULA SUELO, EKON, OIHAN VEGA
ABUZTUAK 16: AMPARANOIA, DZ DJ-A, TXAMUKOS
ABUZTUAK 17: SEALED ROOM, SKAKEITAN,URRATS
ABUZTUAK 18: KHERAU