Royal Blood, Metronomy eta Delorean, BIME Live jaialdian

BIME Live jaialdiak hainbat talderen zuzenekoak iragarri berri ditu: Royal Blood, Metronomy, Delorean, Las Bistecs, Idles, Pablo Und Destruktion eta Rural Zombies, hain zuzen ere. Deloreanen kasuan, kontzertu berezia izango da zarauztarrena, Mikel Laboaren omenezko emanaldia eskainiko baitute.

Aurretik ere zenbait iragarpen egin zituzten aipatu jaialdiko antolatzaileek; The Prodigy taldearena, kasu. Talde horiek guztiak urriaren 27an eta 28an arituko dira BEC erakustazokan.

Azken iragarpenak

Royal Blood bikote britainiarrak aho zabalik utzi zuen Bilbao BBK Liveko ikus-entzuleak, energiaz betetako talde bat zela argi erakutsi ostean. Joseph Mount buru duen Metronomy taldea ere, Erresuma Batutik iritsiko da Barakaldora, estudioko bosgarren diskoa aurkezteko.

Bestalde, Deloreanek Mikel Laboaren kantu ezagunenak moldatuko ditu oholtza gainean.

Aipatzekoa da, halaber, Las Bistecsen esku helduko direla elektro-disgusting doinuak. Batik bat, jarrera dibertigarria erakusten dute taula gainean, betiere zuzeneko indartsuak eta umorez betetako emanaldiak ardatz hartuta.

Bukatzeko, Pablo Und Destruktionek asko omen du erakusteko underground kulturari eutsita. Ez da gutxiagorako Rural Zombiesek milaka jarraitzaileren aurrean egingo duena, Juliaren ahotsak eta taldeak dituen abesti itsaskorrek aise aseko baitute musikazaleen egarria.

Egun bakarreko sarrerak

BIME Livek ostegun honetan jarriko ditu salgai egun bakarrerako sarrerak, 50 euroan (+ banaketa gastuak). Gainera, gaur da azken eguna bonu berezia 52 euroan eskuratzeko. Izan ere, bihartik aurrera 65 euroko prezioa izango du.

Kontzertuen egunez eguneko banaketa

Urriak 28, ostirala

ROYAL BLOOD
METRONOMY 
RIDE
BILL CALLAHAN
EINSTÜRZENDE NEUBAUTEN
KIASMOS Live
MARK EITZEL
PABLO UND DESTRUKTION
ANARI
RURAL ZOMBIES
Gaua: JACKMASTER / JOY ORBISON / WILLOW

Urriak 29, larunbata

THE PRODIGY
VITALIC 'ODC Live'
BNQT feat members of Midlake, Alex Kapranos (Franz Ferdinand), Fran Healy (Travis) & Jason Lytle (Grandaddy)
EXQUIRLA
DELOREAN presenta MIKEL LABOA
LAS BISTECS
IDLES
TOPS
Gaua: MANO LE TOUGH / LEON VYNEHALL / EL_TXEF_A

Informazio gehiago BIMEren webgune ofizialean.