Albisteak
Zuzenekoak
Huntza taldeak kontzertu gehiago gehitu dizkio birari
LUZIA ZUGADI | EITB.EUS
Besteak beste, Mutriku, Altsasu, Oñati, Lizarra, Basauri eta Galdakao harrapatuko dituzte hurrengo asteetan.
-
Huntza. Argazkia: Gaizka Peñafiel
Berrogei kontzertu inguru eman ditu ekainetik hona Huntza taldeak. Astebururo, eta tarteka baita astegunetan ere, agertoki gainean ikusi ditugu Euskal Herriko festak girotzen, eta badirudi halaxe jarraituko dutela hurrengo hilabeteetan ere.
Aipatu talde gipuzkoarrak sare sozialen bidez iragarri duenez, iraila bukatu orduko hainbat kontzertu emango dituzte: Mutrikun, Altsasun, Bergaran, Uharten, Arruntzan, Oñatin, Lizarran eta Uharte Arakilen, hain zuzen.
Emanaldi horiek guztiak gutxi ez eta, beste bi hitzordu hitzartu dituzte urrirako. Hain zuzen ere, Basauriko San Fausto jaietan arituko dira urriaren 11n, eta Galdakao girotuko dute hilaren 27an.
KONTZERTUAK
IRAILAK 14, Mutriku
IRAILAK 15, Altsasu
IRAILAK 16, Bergara
IRAILAK 22, Uharte
IRAILAK 23, Arruntza
IRAILAK 24, Oñati (Kilometroak)
IRAILAK 29, Lizarra
IRAILAK 30, Uharte Arakil
URRIAK 11, Basauri
URRIAK 27, Galdakao
dakao