Asteburuko kontzertuen agenda: Hesian, Gatibu, Esne Beltza

musika

Musika agenda

Kontzertu artean ekingo diogu udazkenari

LUZIA ZUGADI | EITB.EUS

2017/09/21

Besteak beste, Atom Rhumba, Willis Drummond, Porco Bravo, Anestesia, Gatibu eta Esne Beltza taldeek joko dute asteburuan Euskal Herrian.

  • Esne Beltza. Argazkia: Gaizka Peñafiel

    Esne Beltza. Argazkia: Gaizka Peñafiel

    Esne Beltza. Argazkia: Gaizka Peñafiel
  • Partekatu
  • Bidali

Iruzkinak

OSTIRALA

Bidarten egingo dugu ostiraleko lehenengo geldialdia. Han Polekeleke eta Danakil igoko dira frontoian jarriko duten agertokira. Gaztelun, berriz, Lou Topet arituko da, eta Elgoibarren, Atom Rhumba.

Bizkaian ere egongo da zer entzun. Alde batetik, Porco Bravo eta Distorsion bihurtuko dira Zorrotzako festetako protagonista. Bestetik, Willis Drummondek, Los Tiki Phantomsek eta Señoresek irekiko dute Sopela Kosta Fest jaialdia.

LARUNBATA

Abadiñoko Matiena auzoan Skakeitan, The Van eta Baske Street Boys izango dira; Bilbon, Anestesia eta Mitosia; Sopelan, Koban, Kokein, Tomasito, Delorean eta Optigan I D, eta Zallan, Esne Beltza eta Garilak 26.

Aipatzekoa da, halaber, Donostiak Gatibu eta The Strombersen emanaldiak hartuko dituela. Handik gertu, Errenterian, hain zuzen, Huntzak girotuko du larunbat gaua, eta Mendaron Gararock jaialdia ospatuko dute Jon Gurrutxaga & Keu Agirretxea, Las Morenas, The Screaming Targets, Jotaito eta beste hainbat talderekin.

Bukatzeko, Señor No, Sumision City Blues, Los Nitxos, Red Iron Squad, Radiofobia eta Xarpa taldeek Gasteiz harrapatuko dute. Gainera, Skabideanen, Liherren, Evil Killerren eta DJ Funk Fataleren musikarekin koloreztatuko da Iruñea larunbatean.

IGANDEA

Igandeko hitzordu nagusiena Oñatin izango da, hantxe egingo baitute Kilometroak Gipuzkoako ikastolen aldeko festa.

Iruzkinak

Publizitatea

Irratia zuzenean

Publizitatea
Gaztea App Deskargatu App berria! Gaztea App
Parte hartu… Azaroaren 10era arte duzue epea zuen koreografiak… Parte hartu…
Publizitatea
Publizitatea

Bisitatuena

    Kargatzen ikusiena
        Kargatzen ikusiena