Durangoko jaiak 2018: Eskean Kristo, Skakeitan eta Potato, kontzertuak

musika

Urriaren 11tik 22ra

Durangoko jaiak, hastear

LUZIA ZUGADI | EITB.EUS

2017/10/02

Urriaren 11tik 22ra, besteak beste, Eskean Kristo, Skakeitan, Potato eta Luhartz arituko dira Durangon.

  • Partekatu
  • Bidali

Iruzkinak

Durangoko San Fausto jaietarako ordu batzu baino ez dira falta. Gaur hasiko dira Bizkaiko aipatu udalerriko festak, non musikak leku garrantzitsua beteko duen. Tres 41, Alerta eta Stronger Together taldeak igoko dira agertokira jaiei hasiera emateko, Txosna Batzordeak antolatuta. Bihar, berriz, Luhartz taldeak girotuko du Santa Maria gunea.

Urriaren 13an ere izango da zer entzun Durangon. Alde batetik, txosnen gunean Storm, Eskean Kristo eta Zeinke arituko dira. Bestetik, Berdintasun Batzordeak rap feministari gordeko dio tokia, La Furia taldea gonbidatuta.

Beharbada, larunbata izango da egunik jendetsuena. Horregatik, gustu guztiak asetzeko adina emanaldi antolatu dituzte egun horretarako. Txosnetan, esaterako, Potato eta Priscilas Band izango dira. Santa Mariak, ostera, Skakeitanen musika hartuko du.

Jaietako bigarren asteburuan aukera murritzagoa izango da, nahiz eta oraindik ere zenbait kontzertu egongo diren, Eat My Fear, Genderlexx, Godoys Wondereres eta Zoo taldeena, kasu. Txosnek gonbidatuta iritsiko dira talde horiek Durangora, urriaren 20an.

Bukatzeko, hilaren 21ean Momok Queen taldearen kantu arrakastatsuenak taularatuko ditu Santa Marian. Bestalde, Luhartzen doinu dantzagarriekin jantziko dira txosnak.

Iruzkinak

Publizitatea

Irratia zuzenean

Publizitatea
Gaztea App Deskargatu App berria! Gaztea App
Parte hartu… Azaroaren 10era arte duzue epea zuen koreografiak… Parte hartu…
Publizitatea
Publizitatea

Bisitatuena

    Kargatzen ikusiena
        Kargatzen ikusiena