Albisteak
Emanaldi akustikoak
Su Ta Garrek abiatuko du gaur Bilboko 'Astelehen Buruzuria' ziklo akustikoa
LUZIA ZUGADI | EITB.EUS
'Astelehen Buruzuria' kontzertu akustikoen zikloak Las Basu eta Maisha, Anari, Inun, Gorka Urbizu eta Niko Etxart ere gonbidatuko ditu urrian eta azaroan.
Bilboko Euskaltzaindiaren egoitzak sei kontzertu akustiko hartuko ditu urriaren 9tik azaroaren 13ra, euskal musika sustatzeko helburuarekin. Hain zuzen ere, gazteen artean euskara eta euskal doinuak zabaltzea izango dute xede emanaldiok, baita Bilboko ingurunerik euskaldunenean, alde zaharrean, ekintza ludikoak bultzatzea ere.
Hala, Anari, Gorka Urbizu, Niko Etxart, Su Ta Gar, Inun eta La Basu eta Maisha arituko dira Bilboko Plaza Barriaren 15.ean. Kontzertu guztiak 20:00etan hasiko dira, eta sarrerak egunean bertan jarriko dituzte salgai, 5 euroan, 18:30etik aurrera, Euskaltzaindiaren egoitzan.
Bilboko Udalarekin batera antolatu ditu Euskaltzaindiak 'Astelehen Buruzuria' zuzeneko akustikoen estreinako zikloa.
Egitaraua
Urriak 9: Su Ta Gar
Urriak 16: La Basu eta Maisha
Urriak 23: Anari
Urriak 30. Inun
Azaroak 6: Gorka Urbizu
Azaroak 13: Niko Etxart
Niko Etxart