Albisteak
Larunbatean, Ayoran
Euskal taldeek leku garrantzitsua beteko dute Gazpatxo Rock jaialdian
LUZIA ZUGADI | EITB.EUS
El Drogas, Kaotiko, Josetxu Piperrak & The Riber Rock Band eta Huntza arituko dira Valentziako Ayora herrian otsailaren 24an.
-
Huntza. Argazkia: Gaizka Peñafiel
Gazpatxo Rock jaialdiak euskal musika barreiatuko du Valentziako Ayora herrian zehar. Izan ere, hamahirugarren edizio honek hainbat euskal artista gonbidatu ditu. Hala, larunbatean, El Drogas, Kaotiko, Josetxu Piperrak & The Riber Rock Band eta Huntza aterako dira Gazpatxo Rockeko agertokira.
Aipatu taldeak ez ezik, Narco, Green Valley, Trashtucada, Sons of Aguirre, Funkiwis eta Prozak Soup ere gonbidatu dituzte.
15:00etan irekiko dituzte ateak, eta handik gutxira ekingo diote kontzertu-saioari. Goizetik hasiko da, beraz, festa-giroa, baina luze joko dute kontzertuek gaueko ordu txikiak arte.
