Musika
Katakrak liburudendan
Doctor Deseok kontzertu akustikoa emango du gaur Iruñean
LUZIA ZUGADI | EITB.EUS
Nafarroako hiriburuko Katakrak liburu-dendan arituko dira, 20:00etan hasita. Diskoa apirilaren 14an kaleratuko dute, eta egun horretan Durangon izango dira kantu berriak aurkezten.
Hilabete pasatxo geratzen da Doctor Deseoren La fuerza de la fragilidad. Palabras ante el espejo diskoa esku artean izateko. Behin estudioko lan berria argitaratuta, oholtzarik oholtza ikusiko dugu Francisen taldea, baina aurretik ere badituzte zenbait hitzordu itxita.
Oraindik ez dute emanaldi akustikoen zerrenda aurkeztu. Alabaina, jakina da gaur bertan Nafarroako hiriburuko Katakrak liburu-dendan arituko direla, 20:00etan hasita. Leku berean, Las Kasettes izango da bihar; El Niño de Elche, asteazkenean, eta Monte del Oso, ostegunean.
Doctor Deseoren kontzertuei dagokienez, aipatzekoa da Durangon emango dutela birako estreinako zuzenekoa, apirilaren 14an, diskoa argitaratzen duten egunean bertan.
Kontzertu guztiak
APIRILAK 14, DURANGOKO PLATERUENA KAFE ANTZOKIA
MAIATZAK 5, GASTEIZKO JIMMY JAZZ ARETOA
MAIATZAK 12, DONOSTIAKO INTXAURRONDO KULTUR ETXEA
MAIATZAK 19, BILBOKO KAFE ANTZOKIA
MAIATZAK 25, IRUÑA ROCK FESTIVAL JAIALDIA
EKAINAK 2, MADRILGO COPERNICO ARETOA
Gainera, ekainaren 29an eta 30ean, Lapuebla Rock Fest jaialdian joko dute.
