Albisteak
Maiatzaren 11n
Doctor Deseok bigarren kontzertu bat iragarri du Donostian
LUZIA ZUGADI | EITB.EUS
Maiatzaren 11n eta 12an bisitatuko du Gipuzkoako hiriburua Doctor Deseok, 'La Fuerza de la Fragilidad. Palabras ante el Espejo' diskoa aurkezteko.
Maiatzaren 12an, La Fuerza de la Fragilidad. Palabras ante el Espejo diskoa argitaratu baino hilabete geroago, Donostiako Inxaturrondo Kultur Etxean arituko da Doctor Deseo taldea. Emanaldi horretarako sarrerak agortzear daudela ikusita, bigarren zuzeneko bat iragarri dute Gipuzkoako hiriburuan. Kontzertu hori maiatzaren 11n emango dute, 22:00etatik aurrera.
Sarrerak gaur bertan jarriko dituzte salgai, 11:30ean, Donostia Kulturaren webgunean eta Victoria Eugenia eta Antzoki Zaharreko txarteldegietan. Gainera, maiatzaren 11n Intxaurrondon bertan ere eskuratu ahal izango dira sarrerak (ordubete lehenago zabalduko dute).
Esan bezala, datorren asteko ostegunean iritsiko da talde bilbotarraren estudioko lan berria. 200 orriko liburua, CDa eta DVDa kaleratuko ditu. Zortzi abesti jasoko ditu lan berrian: Euskadiko Orkestra Sinfonikoarekin grabatutako hiru abesti, tartean. Hiru kantu horiek DVDan ere bilduko dituzte, "Adios" abestiaren bideokliparekin batera.
Apirilak 14, Durango
Apirilak 28, Santander
Maiatzak 5, Gasteiz
Maiatzak 11, Donostia
Maiatzak 12, Donostia
Maiatzak 18, Bilbo
Maiatzak 19, Bilbo
Maiatzak 25, Iruñea