Izarok Andoain eta Gasteiz gehitu dizkio udaberriko birari

Eason diskoa argitaratu zuenean hainbat kontzertu iragarri zituen Izaro abeslari bizkaitarrak, eta dagoeneko eman ditu horietako batzuk: Bilbokoa, Donostiakoa, Iruñekoa eta Gasteizkoa, esaterako. Jendez lepo egon dira Izarok zapaldutako areto guztiak, eta badirudi horrek bidean jarraitzeko indarra eman diola. Izan ere, apirila eta ekaina bitartean beste bi zuzeneko gehitu dizkio birari. Era berean, aldaketaren batzuk egin ditu egitarauan.

Sare sozialen bidez jakitera eman duenez,ekainaren 8an izango da Basauriko kontzertua, nahiz eta hasiera batean hilaren 9rako iragarri. Lekeitioko data ere aldatu egin du. Azkenik, maiatzaren 18an bisitatuko du Bizkaiko kostaldeko aipatu udalerria. Antza denez, Gasteizen jo ahal izateko aldatu du Lekeitioko data. Egun horretan, beraz, bi lekutan arituko da, goizean Madrilen baitu zuzenekoa.

Bukatzeko, ekainean Andoain ere bisitatuko du.

Kontzertuak

Apirilak 6, Santiago

Apirilak 7, Coruña

Apirilak 13, Bartzelona

Apirilak 14, Vic

Apirilak 20, Getaria

Apirilak 27, Hernani

Apirilak 28, Baliarrain

Maiatzak 4, Azpeitia

Maiatzak 5, Berriz

Maiatzak 11, Errenteria

Maiatzak 12, Lemoa

Maiatzak 18, Madril eta Lekeitio

Maiatzak 25, Gasteiz

Maiatzak 26, Tolosa

Ekainak 2, Igorre

Ekainak 8 Basauri

Ekainak 15, Andoain

Ekainak 26, Arrasate