Belakoren kontzertua Gasteizen, 2018ko maiatzaren 19an

musika

Larunbatean

Gasteiz, Belako taldearen hurrengo geralekua

LUZIA ZUGADI | EITB.EUS

2018/05/16

Bilbo eta Iruñean aurkeztu dute dagoeneko 'Render Me Numb, Trivial Violence' disko berria. Euskal Herritik kanpo ere ibili dira, eta Gasteiz bisitatu ostean, Madril harrapatuko dute.

  • Whatsapp
  • Bidali

Duela hiru hilabete argitaratu zuen Belakok Render Me Numb, Trivial Violence estudioko disko berria. Telebistak zabaldutako indarkeria mota ezberdinen aurrean gizarteak duen jarrera bihozgabeari buruz hitz egiten du lan ausart horrek. Hain zuzen ere, besteak beste, genero indarkeria, errefuxiatuen eta etorkinen blokeoa eta alderdi politikoen ustelkeria aferak ditu ardatz diskoak. Askotan etxetik urruti, etorkizun ezezagun batengatik borrokatzen den belaunaldi baten ikuspegitik landu dituzte abestiak.

Iazko udazkenean Errusia, Japonia, Hego Korea, Mexiko, AEB, Alemania, Erresuma Batua eta Eskozia harrapatu ostean, Espainiako Estatutik bira luzea egiten dabil orain talde mungiarra.

Bilbon eman zuten lehendabiziko kontzertua. Gerora iritsi zen Iruñeko zuzenekoa, eta larunbat honetan Gasteizko Jimmy Jazz aretoa bisitatzeko asmoa daukate.

Maiatzak 17, Lleida

Maiatzak 18, MONZON

Maiatzak 19, GASTEIZ

Maiatzak 25, MADRIL

Maiatzak 26, SANTANDER

Ekainak 16, DONOSTIA

Ekainak 22,23,24, Mocanu Fest jaialdia (VIANA)

 

Iruzkinak

Publizitatea

Irratia zuzenean

Publizitatea
Gaztea App Deskargatu App berria! Gaztea App
Publizitatea
Publizitatea

Bisitatuena

    Kargatzen ikusiena
        Kargatzen ikusiena