Gaztea
Larunbatean, Bilbon
DigiPenek animaziozko film labur onenekin jantziko du Zinebi jaialdia
LUZIA ZUGADI | EITB.EUS
Azaroaren 19an nazioartean saritutako hainbat film labur erakutsiko dituzte Bilbon. Hilaren 24an, berriz, Arpeggio proiektua aurkeztuko du DigiPenek.
DigiPen Institute of Technology bideo-jokoaren unibertsitateak bertako ikasleek egindako film laburren erakusketa egingo du, Zinebi jaialdiaren 58. edizioaren baitan. Plater nagusi bezala, Arte Ederretako ikasleek ikasturte bukaeran egindako Arpeggio proiektua aurkeztuko du DigiPenek. Hain zuzen ere, arte digitalean eta hiru dimentsioen munduan espezializatutako ikasleek egin dute bost minutuko iraupena duen film labur hori, eta azaroaren 24an erakutsiko dute, Azkuna Zentroan, 17:30etik aurrera.
Aurretik, azaroaren 19an, 18:00etan, nazioartean saritutako hainbat film labur erakutsiko dituzte Bilboko BBK aretoan. Hauek:
Deadly Delivery (Xabier España)
Rea (Adriana Urigüen)
Mo (Danel Iriarte)
Level 1457 Last (Xabier Urrutia)
