Lo gaudeneko orgasmoei buruz jakin beharrekoa, 'Luzia eta sexua'n

Aste honetan ere, ostiralean iritsiko da sexuaren hitzordua 'Akabo Bakea'ra. Ohiko ordutegiari eutsita, 17:15ean hartuko dute Telleria anaiek Luziaren bisita. Hala, "Luzia eta sexua" tartean, lo gaudeneko orgasmoen inguruan jakin beharreko guztia azalduko dute.

Hain zuzen ere, lo egonda orgasmora iristea nola den posible aztertuko dute. Halaber, plazera loaren zein fasetan iristen den argituko dute, eta emakumezkoen eta gizonezkoen artean dauden ezberdintasunak aztertuko dituzte.

Bukatzeko, aipatu gaia alde batera utzi gabe, amets erotikoei buruzko daturen bat edo beste ere emango dute.

Zuk ere sexuarekin duzu hitzordua, ostiral honetan, 17:15ean, Gaztea Irratian!