B Aldea
Musika
Artista sintomatikoak eta tristuraren kultura: miseriari abesten dioten musikari gazteak
Albany, Bronquio, 41V1L eta La Faviren musika ekarri digu Kattalin Barcenak, tristuraren kulturaz hitz egiteko.
-
Albany
18:43 min
Artista sintomatikoez eta "tristuraren kulturaz" aritu zaigu Kattalin Barcena "B Aldea"n.
Etsipena inspirazio bilakatu duten artisten zerrenda ekarri digu kolaboratzaileak. Testuingurua jartze aldera, krisi sozio-ekonomiko, politiko eta klimatikoaren seme-alabek artea kontsumitzeko eta sortzeko duten modua aipatu du Barcenak.
Albany izan da ekarri duen lehen artista. Musikariaren obra malenkoniatsua da, eta pobrezian hazi eta bizi izan den gazte baten tristura islatzen du. "Nadie" abestia da aipatutako guztiaren erakusle.
Egungo gizarteak arazoak gugan daudela pentsarazten digula dio Barcenak, arazoak sistemak berak sortzen dituen bitartean. Bronquio eta 41V1Lren "Fui a Comprar a la Cárcel" abestiarekin azaldu digu.
Bukatzeko, itxaropena badagoela aipatu du kolaboratzaileak: ikasitakoak zalantzan jarri eta sistema errotik aldatzen hastea. La Favi eta Dinamarcaren "Sana Sana"rekin itxi du tartea.
