Joseina Etxeberria biluztu dugu

Gaztea Irratiko esatarien sekretuak agerian uzten gabiltza azkenaldian, eta gaurkoan, Miramongo estudioetako aurpegi ezagunenaren bizitzan barneratuko gara.

Ramones taldea biziki maite duela argi utzi digu kazetari eta musikari ataundarrak, baina ahoan legarrik izango ez zuela uste genuen arren, pentsa baino zuhurrago ibili da erantzunak ematerakoan.

Aitorrezina dena isilean mantendu, eta gehiegi busti gabe erantzun du Gaztearen udako galdeketa Joseina Etxeberriak.

Abesti bat: "Amaieratik hasi " , izaki gardenak

Musika talde bat: Zein esango dizut, ba?

Bidaiatzeko leku bat: New York

Edari bat: Ura

Amets bat: Lasai lo egitea

Zapore bat: Jogurt naturalarena

Jaialdi bat: Glastonbury

Bizio bat: Hori ez da kontatzen, eta publikatu oraindik gutxiago

Pelikula bat: Crash

Festa bat: Disko Festa (Glup!!!)

Zure maitale platonikoa: Joey Ramone

Gorroto duzun zerbait: Ez dakit gorrotatzeraino, baina ernegatu gauza askok, egungo "kazetaritza" mota batek esaterako.

Aitorrezina den desio bat: Listo! Pentsatu dut…

Norekin pasatuko zenuke gau erromantiko bat: Erromantikoa? Edozeinekin!

Irla batera eramateko hiru gauza: Eguzkitako krema, betaurrekoak eta bainujantzia

Uda ala negua: Biak

Mendia ala hondartza: Biak

Ardoa ala garagardoa: Ez bata ez bestea! Ez zaizkit batere gustatzen. Bat ere ez!!!

Negar egin duzun azken aldia: Edozein pelikula, disko eta libururekin egiten dut negar, eta benetako gertakariekin zer esanik ez…

Inoiz egindako zorakeriarik handiena: Asko egiten ditut, eta edozein momentutan. Batzuetan umore puntu batekin, eta beste batzuetan serioegiak… Zoritxarrez!

Ohean pijamarekin ala biluzik: Kamiseta batekin

Boxerrak, slipak ala ezer gabe: Slipak

Goian ala behean: Horizontalean?