Pop Track
Gaur gauean
'Pop Track' saioak Euskal Herriko DJ ezagunenak gonbidatuko ditu
L.Z. | eitb.eus
Hileko azken ostiraletan gonbidatu bereziak izango ditu estudioan Ibon Fernandezek: Las Tea Party, Nimu, Croissants Djs, The Wicked Pair eta The Invaders, hain zuzen.
Aro berri bati ireki dizkio ateak 'Pop Track' saioak. Izan ere, Euskal Herriko disko-jartzaile ezagunenekin batuko da Ibon Fernandez hileko azken ostiraletan.
#Takeovers atal berrian, Las Tea Party, Nimu, Croissants Djs, The Wicked Pair eta The Invaders izango dira gonbidatuak. 2014-2015 denboraldian, hilero, disko-jartzaile hauen musika hautaketak zabalduko dizkiete entzuleei.
Hortaz, Euskal Herriko klubetan eta dantzalekuetan entzuten dena irratiaren bestaldean izango duzue, Ibonen eskutik.
Musika onenak, 'Pop Track' saioan du lekua. Ostiralero, 21:00etatik aurrera, Gaztea Irratian!
