Hauteskunde Orokorrak -
Abenduak 20
EAEko herritarren % 85ek Espainiako Gobernua aldatzea nahi dute
Exekutibo espainiarra aldatuta, enplegua hobetu daitekeela uste dute herritarren % 45ek. % 28k soilik uste dute autogobernua edo Kontzertu Ekonomikoa hobetzen lagunduko lukeela.
Agentziak | Erredakzioa
Abenduaren 20ko hauteskundeen ondoren Espainiako Gobernua aldatzea nahi dute EAEko herritarren % 85ek. Exekutibo espainiarraren aldaketa batek enplegua hobetu dezakeela uste dute herritarren % 45ek. % 28k soilik uste dute autogobernua edo Kontzertua Ekonomikoa hobetzen lagunduko lukeela.
Deustobarometroaren bosgarren edizioaren emaitzak dira. Pariseko atentatuen ostean 1.000 inkesta egin zituzten ikertzaileek.
Inkestaren arabera, Euskadiren independentzia nahi duten herritarren portzentajeak behera egin du, % 19tik % 16ra arte. Era berean, erreferendumaren aldeko herritarren kopuruak behera egin du: % 46tik 42ra.
Gainera, oraindik krisitik atera ez direla uste dute EAEko herritarren % 87k. Ekonomiak hobera egingo duela uste dutenen kopuruak behera egin du azken sei hilabeteetan, % 26tik % 21ra.
Herritarren kezka nagusia langabezia da (% 61). Ondoren lan baldintzen kalitate eskasak kezkatzen ditu herritarrak gehien (% 34). Azkenik, krisia hasi zenetik desberdintasun sozialak areagotu direla uste dute EAEko herritarren % 88k.