Udal eta Foru Hauteskundeak -

M24

Olanok Bilduri: 'Arazoa ez da erritmoa izan, baizik eta norabidea'

"Kontua ez da zer egin duen Bilduk Gipuzkoan, baizik eta nola egin duen", adierazi du buruzagi jeltzaleak.

Markel Olano Gipuzkoako ahaldun nagusigai jeltzalea, Euskadi Irratian. EiTB
Markel Olano Gipuzkoako ahaldun nagusigai jeltzalea, Euskadi Irratian. EiTB
'EH Bilduk ezarri nahi zuen ereduak ez du bat egin gizartearekin'

01:20

AGENTZIAK | ERREDAKZIOA

Whatsapp Facebook Twitter Telegram Email

Markel Olano Gipuzkoako ahaldun nagusigai jeltzalearen ustez, EH Bilduk lurraldean izandako boto galeraren kausa ez da "erritmo kontua" izan, baizik eta "norabide arazoa", koalizio abertzalearen politikak herritarrengandik urrun egon baitira eta "inposaketa" izan baitute oinarri.

Hitz horiekin erantzun dio Olanok Hasier Arraiz Sortuko presidenteari, "Faktoria" Euskadi Irratiko saioan egindako elkarrizketan. Izan ere, buruzagi abertzalearen esanetan, "aldaketa politikoa azkarregi" zihoala pentsatu du gizarteak.

Horren ildotik, EH Bilduren norabidea ez dela egokia izan nabarmendu du EAJko hautagaiak: "Gakoa da herritarrentzat ekonomia izan dela garrantzitsuena, eta arlo horretan ezker abertzaleak norabide okerra abiatu zuen".

"Kontua ez da zer egin duen Bilduk Gipuzkoan, baizik eta nola egin duen", laburbildu du.

Bestalde, hautagai jeltzaleak iragarri du "berehala" hasiko dela gainerako alderdiekin hitz egiten, "txikienetik handienera", akordioa lortzen saiatzeko.

Hau zure interesekoa bada, baliteke beste gai hauek ere izatea
Politika Euzko Alderdi Jeltzalea Albisteak Gipuzkoa EAE Udal eta Foru hauteskundeak 2015 EH Bildu Markel Olano Udal eta foru hauteskundeak 2023