Publizitatea
X

Irratia zuzenean

Umeek 'Birjolastu' eremu berria izango dute 2017ko sanferminetan Taconeran

Herriak eta Hiriak

Berritasuna

Umeek jolaserako eremu berria izango dute aurtengo sanferminetan

Agentziak | Erredakzioa

2017/06/12

'Birjolastu' izena jarri diote antolatzaileek, materialak zein hondakinak berriz erabiltzeko lana jorratuko dute.

  • San Fermin jaiak

    San Fermin jaiak

    San Fermin jaiak
  • Partekatu
  • Bidali

Iruzkinak

Haurrek jolaserako eremu berria izango dute 2017ko sanferminetan, Takonera parkean. Osagai birziklagarrietan oinarritutako jokoak izango dituzte. Hala, Askatasunaren Plazan pilatzen den jendetza arintzea lortuko dutela berretsi dute gaurko aurkezpenean. Horrez gain, ingurugiroari buruzko heziketa eskaini nahi diete.

"Birjolastu" eremua Iruñeko Udalak, Nafarroako Gobernuak eta Iruñerriko Mankomunitateak antolatu dute elkarlanean, eta materialak eta hondakinak erabilita lan egitea dute helburu. Hogei bat artistak bultzatutako 9 eremu izango ditu.

Gune berria Takonera parkean egongo da, sarreran eraldatutako ibilgailu bat izango du, herritarrei ongietorria emateko eta informazioa eskaintzeko.

Handik Kaira iritsiko dira umeak, hondakinekin egindako ontziekin jolasteko.

Etxe baten ere sartu ahalko dira, eta hango altzariak, mahaiak, aulkiak eta armairuak margotu.

Hodiekin egindako telefonoak izango dira, eta beren abilezia erautsi ahal izango dute gurpilekin egindako zirkuitu batean.

Zirku bat ere egongo da, orekari eusteko barrekin, akuilu-makuluekin eta malabareekin. Birziklatutako materialarekin egindako eskiak, ontziak eta kartoizko hodiak erabiliko dituzte hainbat proba egiteko.

Berreraikuntzarako gune bat ere izango da, tamaina eta forma ezberdinetako plastikozko ontzi eta lata askorekin gauzak eraikitzeko; animalientzako aterpeak, matxinsaltoentzako parkeak edo martetarrak lurreratzeko aireportuak, besteak beste.

"Birjolastu" eremuak sukalde erraldoi bat ere izango du, benetako hozkailu eta garbigailuekin, paluak edo harriak gordetzeko nahiz prestatzeko. Sardexka handi bat ere egongo da, umeek jolas dezaten.

"Soinudun kili-kiliak" izeneko beste gune bat egongo da: hiri-altzariak ukitu ahala, soinuak entzungo dira, eta soinu ezberdina izango da altzaria ukitzen ari diren pertsona kopuruaren edota ukitzerakoan egiten den indarraren arabera.

Jaioberrientzako toki bat ere prestatuko dute, oihal handi batekin eta egurrezko zirkuitu batekin.

Iruzkinak

Publizitatea
Publizitatea
Publizitatea
Publizitatea
Publizitatea
Publizitatea

Bisitatuena

    Kargatzen ikusiena
        Kargatzen ikusiena