Itxi

Herriak eta Hiriak

San Fermin jaiak

Renfek zerbitzua indartuko du sanferminetan 31.000 leku gehiago eskainiz

AGENTZIAK | ERREDAKZIOA

Uztailaren 5etik 16ra bitartean, Iruñea irteera edo helmuga duten tren gehiago ibiliko dira.

  • renfe sanfermninak

    2016ko sanferminak. Artxiboko argazkia: EFE

Renfek tren zerbitzua indartuko du Iruñeko San Fermin jaiei begira, eta uztailaren 5etik 16ra bitartean Iruñea irteera edo helmuga duten tren gehiago ibiliko dira.

Tren zerbitzuak Nafarroako hiriburua Zaragoza, Tutera, Burgos, Gasteiz, Bartzelona, Tarragona, Lleida, Sevilla, Kordoba eta Malagarekin lotuko ditu, distantzia ertaineko eta distantzia luzeko lineen bitartez.

Bartzelona-Iruñea linean esaterako, 37 tren eta 10.080 eserleku gehiago egongo dira, eta Madril eta Iruñea lotzen dituen linean, berriz, 10.000 gehiago.

Gainera, asteburuetan, egunean sei tren joango dira Madrildik eta Bartzelonatik Iruñera.