Itxi

Herriak eta Hiriak

Aste Nagusia

Donostiako Piratek Majarenas eta haren alaba izendatu dituzte txupinera

agentziak | erredakzioa

Ezingo dutenez ekitaldian egon, preso donostiarraren ahizpa, Haizea, izango da jai egitarauaren hasieraren "ahotsa eta begiak".

  • Donostiako piraten bordaia. Argazkia: Efe

    Donostiako piraten bordaia. Argazkia: Efe

Donostiako Piratek Sara Majarenas presoa eta Izar alaba izendatu ditu Aste Nagusi Piratari hasiera emateko txupinera. Hautatuek ezingo dutenez ekitaldian egon, preso donostiarraren ahizpa, Haizea, izango da jai egitarauaren hasieraren "ahotsa eta begiak".

Donostiako Piratek agiri batean azaldu dutenez, Majarenas eta Izar aukeratu dituzte 'Matti' pertsonaia izateko, eta biei ezarri dizkieten "baldintza gogorrengatik" ezingo dutela Aste Nagusian izan kritikatu dute.

Era berean, 'Ezkila Kapitaina' pertsonaia Ubarroiak Groseko kofradiari egokituko zaiola iragarri dute.

Bestalde, piratek berretsi dute "jai herrikoi, parte-hartzaile, euskaldun eta feministak" sustatzen dituztela, eta ez dutela onartuko "emakumeen aurkako inolako erasorik".