Herriak eta Hiriak
Memoria historikoa gogoan
Ostiralean oroituko ditu Galdakaok Gerra Zibileko bonbardaketa frankistaren biktimak
agentziak | erredakzioa
Plazakoetxen egingo da omenaldia 12:00etan. Aurten, “La Dinamita” lantegiaren sirenak abiatuko du ekitaldia.
-
Galdakaotarrak bonbardaketa frankistaren biktimak oroitzen daude. Argazkia: EITB.EUS.
Galdakaoko Udalak omenaldia egingo du Plazakoetxen ostiral honetan, maiatzaren 18an, Gerra Zibilean herrian izandako bonbardaketa frankistaren biktimak oroitzeko. Ekitaldia 12:00etan izango da, duela 81 urteko bonbardaketan hildako 24 herritarrak gogoratzeko.
Udalbatzaren arabera, omenaldia “La Dinamita” lantegiaren sirenarekin abiatuko da, izan ere, hots horrek ohartarazten zituen galdakarrak duela 81 urte frankisten hegazkinak heltzen zirenean.
Galdakaok urtero oroitzen ditu biktimak, herrian izandako bonbardaketaren kalteak oroitzeko ekitaldi programaren bitartez, Udaletxeak eta Galdakao Gogora memoria historikoaren aldeko taldeak bultzatuta.
1937ko maiatzaren 19an izan zen bonbardaketan guztira 24 pertsona zendu ziren, hain zuzen, Plazakoetxen zegoen aterpe batean babestuta zeuden herritarrak.
